દોસ્તો વગર, જીંદગી જીંદગી નથી

બધુ મળે છે આજે વાત કરનાર મળતા નથી

દોસ્તો વગર, જીંદગી જીંદગી નથી

જોયા છે દેવમંદિરોના ઓટલે

ખામોશ રહીને મિત્રો ખોળતા વૃદ્ધોને

વાત કહેવી છે, કદાચ કોઇ સાંભળનાર મળે

પણ દોસ્તો વગર, જીંદગી જીંદગી નથી,

વાત લઇને ફરે છે, રાહ જૂએ છે સાંભળનારની

ચકોર નજર છેઃ ક્યાં છે મારા જેવા ?

પણ તોય નસીબ થતા નથી કોઇ,

દોસ્તો વગર, જીંદગી જીંદગી નથી,

નસીબ થતા નથી કેટલાકને તો છેક સુધી,

ગણીને માત્ર ચાર, જે પહોંચાડે -

મિત્ર વિનાના, પ્રાણ વિનાના, નાશવંત શરીરને લક્ષ્‍યે

દોસ્તો વગર, જીંદગી તો શું ? મૃત્યુ મૃત્યુ ય નથી !!!

કોર્પોરેટ જગતની બોલબાલા,

મોજૂદ છે હોસ્પિટલો પણ કોર્પોરેટ

દાખલ કરવા તત્પર છે,

ફોનની ઘંટડી ખખડતા જ

એમ્બ્યુલન્‍સ કરે છે સ્ટાર્ટ

દોડીને એક દોસ્તને લેવા,

પણ દોસ્તો વગર, જીંદગી જીંદગી નથી,

-પી. યુ. ઠક્કર.